“Lion” yarim himoyachisi Ussem Auar faoliyatini Italiyada davom ettirishi mumkin. Jurnalist Janluka Di Marsioning yozishicha, “Roma” Fransiya terma jamoasiga nomzod futbolchiga qiziqish bildirmoqda.

Hozircha muzokaralar bo‘lmagan, ammo Rim klubi sport direktori Tyago Pinto “Lion”dan 23 yoshli futbolchi haqida ma’lumot so‘ragan.

Auar joriy mavsumda barcha turnirlarda 45 ta o‘yinda maydonga tushib, 8 ta gol urdi va 4 ta golli uzatmani amalga oshirdi.