OFK prezidenti shayx Salmon bin ibrohim al-Xalifa Osiyo kubogi-2023 yo‘llanmasini qo‘lga kiritgan 11 terma jamoani tabrikladi.

"Osiyo futbol oilasi nomidan men Osiyo kubogi-2023 yo‘llanmasini qo‘lga kiritgan 11ta mamlakat terma jamoasini tabriklayman.

Saralashda ishtirok etgan jamoalar mazkur saralash bosqichi nisbatan qiyin kechganini eslab qolishadi. Bunga shubha yo‘q. OFKga a’zo mamlakat futbol assosiasiyalari bilan birgalikda ushbu qiyinchilikni yengib o‘tdik.

Covid-19 tufayli Osiyo kubogi saralashining ikinchi bosqichi 2019 yilninsh noyabr oyidan 2021 yilning may oyiga qadar to‘xtab qolgandi. Ammo diqqat bilan rejalashtirilgan ish tufayli 19 kun oralig‘ida yetti mamlakatda 57ta o‘yin o‘tkazildi. Bu esa Osiyo futbolining taslim bo‘lmasligini anglatadi.

Bundan tashqari, saralashning uchinchi bosqichiga mezbonlik qilgan 6ta mamlakatga minnatdorchilik bildiramiz. Endi esa e’tiborimizni qit’aning eng nufuzli musobaqasini o‘tkazishga qaratamiz. 2023 yilda o‘tkaziladigan qit’a chempionati mezbonini aniqlaganimizdan so‘ng Osiyo futbolidagi birdamlik o‘z kuchini yana namoyish etishiga shubha qilmayman".

Eslatib o‘tamiz, 8-14 iyun kunlari o‘tkazilgan saralash bahslaridan sng quyidagi jamoalar Osiyo kubogi yo‘llanmasini qo‘lga kiritishdi:

Bahreyn, Gonkong, Hindiston, Indoneziya, Iordaniya, Qirg‘iziston, Malayziya, Falastin, Tojikiston, Tailand va O‘zbekiston.