"Liverpul" "Aberdin"ning o‘ng qanot himoyachisi Kalvin Remsini sotib olish bo‘yicha kelishuvga erishdi, deb xabar beradi Sky Sports.
Manbaga ko‘ra, kelishuv 6,5 million funtni tashkil qilgan va bu Shotlandiya klubi uchun rekord hisoblanadi. "Liverpul" darhol 4 million, mavsum davomida esa yana 2,5 million to‘laydi. Hammasi bo‘lib, bonuslarni hisobga olgan holda transfer summasi 10 million funt sterlinggacha o‘sishi mumkin.
18 yoshli Remsi o‘tgan mavsumda "Aberdin" safida 33 o‘yinda maydonga tushib, 1 gol urdi va 9 golga assistentlik qildi.
Transfermarkt.com portali futbolchining narxini 600 ming yevroga baholamoqda.