"Ливерпуль" "Абердин"нинг ўнг қанот ҳимоячиси Калвин Рэмсини сотиб олиш бўйича келишувга эришди, деб хабар беради Sky Sports.
Манбага кўра, келишув 6,5 миллион фунтни ташкил қилган ва бу Шотландия клуби учун рекорд ҳисобланади. "Ливерпуль" дарҳол 4 миллион, мавсум давомида эса яна 2,5 миллион тўлайди. Ҳаммаси бўлиб, бонусларни ҳисобга олган ҳолда трансфер суммаси 10 миллион фунт стерлинггача ўсиши мумкин.
18 ёшли Рэмси ўтган мавсумда "Абердин" сафида 33 ўйинда майдонга тушиб, 1 гол урди ва 9 голга ассистентлик қилди.
Transfermarkt.com портали футболчининг нархини 600 минг еврога баҳоламоқда.
