Rossiya Premyer-ligasining so‘nggi mavsumi eng yaxshi futbolchisi aniqlandi. Sankt-Peterburgning «Zenit» klubi yarim himoyachisi Klaudinyo mavsum yakunida birinchi raqamli deb tan olindi.
Qayd etish kerakki, ovoz berishda Premyer-liga jamoalari sardorlari va bosh murabbiylari, sport OAV bosh muharrirlari, «Match Premiyer» kanali sharhlovchilari hamda Rossiya terma jamoasi ustozi Nikolay Pisarev ishtirok etdi.
Rossiyaning so‘nggi mavsumida 25 yoshli Klaudinyo «Zenit» safida 23 ta o‘yin o‘tkazib, 8 ta gol urdi va 5 ta golli uzatmani amalga oshirdi. «Zenit» chempionlik unvonini qo‘lga kiritganidan xabaringiz bor.
