Россия Премьер-лигасининг сўнгги мавсуми энг яхши футболчиси аниқланди. Санкт-Петербургнинг «Зенит» клуби ярим ҳимоячиси Клаудиньо мавсум якунида биринчи рақамли деб тан олинди.
Қайд этиш керакки, овоз беришда Премьер-лига жамоалари сардорлари ва бош мураббийлари, спорт ОАВ бош муҳаррирлари, «Матч Премиер» канали шарҳловчилари ҳамда Россия терма жамоаси устози Николай Писарев иштирок этди.
Россиянинг сўнгги мавсумида 25 ёшли Клаудиньо «Зенит» сафида 23 та ўйин ўтказиб, 8 та гол урди ва 5 та голли узатмани амалга оширди. «Зенит» чемпионлик унвонини қўлга киритганидан хабарингиз бор.
