"Chelsi" "Inter"ning 3 nafar futbolchisiga qiziqish bildirmoqda.

Jurnalist Janluka Di Marsio o‘z saytida yozgan xabariga ko‘ra, gap himoyachilar Milan Shkrinyar, Denzel Dyumfris va Alessandro Bastoni haqida ketmoqda. Biroq, hozircha, masala qiziqishdan nariga o‘tgani yo‘q.

Hujumchi Romelu Lukakuning London klubidan "neradzurrilar" safiga o‘tishi mumkinligiga kelsak, ayni damda "Inter" bir yillik ijara uchun 5 million yevro va yana 2 million bonus sifatida taklif qilmoqda. “Ko‘klar” bu miqdorni kam baholangan deb hisoblashadi, biroq “Inter” muzokaralarni davom ettirishga va londonliklar istagan summaga – 10-12 millionga yaqinlashishga tayyor.

Di Marsioning fikricha, 17 iyun Lukaku bo‘yicha muzokaralarda muhim kun bo‘lishi mumkin.