Leverkuzenning "Bayer" klubi hujumchi Mussa Diabini 50 million yevroga sotishga tayyor, deya xabar beradi The Sun.
Manbaning xabariga ko‘ra, nemis klubi "Nyukasl"ga 22 yoshli futbolchini haqiqatan ham sotib olishni istasa, uning uchun bu summani to‘lashi kerakligini aytgan. Fransiyalik futbolchiga "PSJ" ham qiziqish bildirmoqda.
Diabining "Bayer" bilan shartnomasi 2025 yilgacha mo‘ljallangan. Transfermarkt.com portali hujumchini 60 million yevroga baholamoqda.
2021/22 yilgi mavsumda yarim himoyachi barcha turnirlarda 42 ta o‘yinda maydonga tushib, 17 ta gol urdi va 14 ta golli uzatmani amalga oshirdi.