Леверкузеннинг "Байер" клуби ҳужумчи Мусса Диабини 50 миллион еврога сотишга тайёр, дея хабар беради The Sun.
Манбанинг хабарига кўра, немис клуби "Ньюкасл"га 22 ёшли футболчини ҳақиқатан ҳам сотиб олишни истаса, унинг учун бу суммани тўлаши кераклигини айтган. Франциялик футболчига "ПСЖ" ҳам қизиқиш билдирмоқда.
Диабининг "Байер" билан шартномаси 2025 йилгача мўлжалланган. Transfermarkt.com портали ҳужумчини 60 миллион еврога баҳоламоқда.
2021/22 йилги мавсумда ярим ҳимоячи барча турнирларда 42 та ўйинда майдонга тушиб, 17 та гол урди ва 14 та голли узатмани амалга оширди.