Аргентина терма жамоасининг юлдузли ҳужумчиси Лионель Месси бошланишига бир ойдан сал кўпроқ вақт қолган жаҳон чемпионати ҳақида ўз фикрларини билдирди.
«Биздан кўра фаворит бўлган бошқа жамоалар бор — улар турнирга биздан кўра яхшироқ ҳолатда етиб келишмоқда. Франция ҳали ҳам жуда кучли, уларда юқори даражадаги футболчилар кўп. Испания ва Бразилия доимо ғалабага даъвогарлар қаторида бўлади. Шунингдек, Португалия ҳам. Менимча, ҳозирда уларда жуда рақобатбардош таркиб шаклланган», — дея Мессининг сўзларини келтиради The Touchline.
Эслатиб ўтамиз, 2022 йилги жаҳон чемпионати финалида Аргентина терма жамоаси 3:3 ҳисобидаги дурангдан сўнг пенальтилар сериясида Францияни мағлуб этган эди.
