"Napoli" klubi rahbarlari yozgi transfer oynasida asosiy tarkibning 3 nafar futbolchisini sotishga tayyor.
Il Mattino nashrining xabariga ko‘ra, neapolliklar uch nafar futbolchini, ya’ni Fabian Ruis, Diyego Demme va Matteo Politanoni sotmoqchi. “Napoli” rahbarlari bu futbolchilarni sotishdan kamida 80 million yevro ishlab olishni rejalashtirmoqda. Ruis APLga o‘tishi mumkin, "Valensiya" Demme xizmatlariga qiziqmoqda, "Milan" esa Politanoga da’vo qilmoqda.
Eslatib o‘tamiz, Lusiano Spaletti boshchiligidagi neapolliklar klubi o‘tgan mavsumda Italiya chempionati turnir jadvalida uchinchi o‘rinni egallagan edi.