"Наполи" клуби раҳбарлари ёзги трансфер ойнасида асосий таркибнинг 3 нафар футболчисини сотишга тайёр.
Il Mattino нашрининг хабарига кўра, неаполликлар уч нафар футболчини, яъни Фабиан Руис, Диего Демме ва Маттео Политанони сотмоқчи. “Наполи” раҳбарлари бу футболчиларни сотишдан камида 80 миллион евро ишлаб олишни режалаштирмоқда. Руис АПЛга ўтиши мумкин, "Валенсия" Демме хизматларига қизиқмоқда, "Милан" эса Политанога даъво қилмоқда.
Эслатиб ўтамиз, Лусиано Спалетти бошчилигидаги неаполликлар клуби ўтган мавсумда Италия чемпионати турнир жадвалида учинчи ўринни эгаллаган эди.