"Kalyari" himoyachisi Raul Bellanova "Inter"ga o‘tadi, deb yozmoqda jurnalist Fabrisio Romano o‘zining Twitter sahifasida.
Manba bergan xabarga ko‘ra, milan klubi futbolchini to‘rt million yevro evaziga bir yilga ijaraga olishga rozi bo‘lgan. Bir yildan so‘ng "neradzurrilar" futbolchining transferini 7 million yevroga sotib olishi mumkin.
22 yoshli Bellanova o‘tgan mavsumda "Kalyari" tarkibida barcha turnirlarda 31 o‘yinda maydonga tushib, bitta gol va ikkita golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.