"Barselona" rahbariyati hujumchi Ansu Fati sog‘lig‘i sababli avvalgi darajaga qayta olmasligidan xavotirda, deb xabar beradi Diario Sport.

Manba bergan xabarga ko‘ra, klub olti oy avval futbolchini operasiya qilishni talab qilmay, uning o‘rniga konservativ usulda davolanishga ruxsat berganidan afsusda. Hozirda hujumchining chidamlilik, tezlik va kuch-quvvat bo‘yicha ko‘rsatkichlarini sezilarli darajada yomonlashgan.

Ayni vaqtda Kataloniya klubi bosh murabbiyi Xavi Ernandes hamon futbolchiga umid bog‘lamoqda.

19 yoshli Fati o‘tgan mavsumda "Barselona" safida barcha turnirlarda 14 ta o‘yinda maydonga tushib, 6 ta gol urdi va bitta golga assistentlik qildi. Uning klub bilan shartnomasi 2027 yilning yoziga qadar mo‘ljallangan.