Dortmundning “Borussiya” klubi yarim himoyachisi Torgan Azar faoliyatini Angliya Premyer-ligasida (APL) davom ettirishi mumkin. "Nyukasl" 29 yoshli futbolchi uchun transfer taklifini tayyorlamoqda. Bu haqda Bild xabar bermoqda.
Manbaga ko‘ra, belgiyalik yarim himoyachining transferi 15 million yevroga amalga oshirilishi mumkin.
Torgan "Real" futbolchisi Eden Azarning ukasi hisoblanadi. Bahorda “Borussiya” aka-ukalarni bir jamoada birlashtirish haqida o‘ylayotgani xabar qilingandi.
Azar 2019 yilda Myonxengladbaxdan Dortmundning "Borussiya"siga o‘tgan edi. Torgan "asalarilar" uchun 98 ta o‘yinda 15 ta gol urdi va 20 ta golli uzatmani amalga oshirdi. Tomonlar o‘rtasidagi kelishuv 2024 yilda yakuniga yetadi.