Дортмунднинг “Боруссия” клуби ярим ҳимоячиси Торган Азар фаолиятини Англия Премьер-лигасида (АПЛ) давом эттириши мумкин. "Ньюкасл" 29 ёшли футболчи учун трансфер таклифини тайёрламоқда. Бу ҳақда Bild хабар бермоқда.
Манбага кўра, бельгиялик ярим ҳимоячининг трансфери 15 миллион еврога амалга оширилиши мумкин.
Торган "Реал" футболчиси Эден Азарнинг укаси ҳисобланади. Баҳорда “Боруссия” ака-укаларни бир жамоада бирлаштириш ҳақида ўйлаётгани хабар қилинганди.
Азар 2019 йилда Мёнхенгладбахдан Дортмунднинг "Боруссия"сига ўтган эди. Торган "асаларилар" учун 98 та ўйинда 15 та гол урди ва 20 та голли узатмани амалга оширди. Томонлар ўртасидаги келишув 2024 йилда якунига етади.