"Real"ning yangi futbolchisi Antonio Ryudiger "Barselona"dan kelgan taklifni rad etgan. U bu haqida shunday deydi:
"Birinchi marta "Real" bilan sentyabr oyida bog‘langanman. O‘shanda mening nomimdan agentim suhbat qilgan. Ikkinchisi esa janob Anchelottining shaxsan o‘zi bilan bo‘lgan. Aprel oyidagi shu suhbat hammasini hal qildi. Men uning qo‘l-ostida harakat qilishni istaganman. Menga "Barselona"dan ham qiziqishlar bo‘lgandi. Ammo men o‘z akam, agentimga "Real" yoki hech narsa" deb javob qilganman".
Ryudiger 2017 yilda "Chelsi"ga kelib qo‘shilgan edi. U London jamoasi safida 202 ta o‘yinda maydonga tushgan.