Yarim himoyachi Mario Gyotse Germaniyaga qaytdi. U "Ayntraxt" bilan shartnoma imzoladi, deya xabar beradi klub sayti.
30 yoshli yarim himoyachi bilan 2025 yilgacha mo‘ljallangan shartnoma imzolangan.
Bungacha Gyotse PSVda o‘ynagan. Nemis nashrlarining xabar berishicha, “Ayntraxt” futbolchining huquqlarini 4 million yevroga sotib olgan.
2021/22 yilgi mavsumda Mario PSV safida 52 o‘yinda 12 gol urdi va 11 golga assistentlik qildi.