"Ayaks" "Manchester Yunayted"ga qanot hujumchisi Antoni va himoyachi Lisandro Martinesni sotmasligini aytdi, deb xabar beradi Mirror.
Manbaga ko‘ra, har ikki futbolchi ham Erik ten Xag bosh murabbiy etib tayinlanganidan so‘ng ingliz klubi bilan bog‘langan. Biroq, Niderlandiya klubi o‘z tarkibini saqlab qolishga harakat qilgani uchun faqat bitta futbolchini sotishga tayyor.
O‘tgan mavsumda 24 yoshli Martines barcha turnirlarda 36 ta o‘yinda maydonga tushib, 1 ta gol va 4 ta golli uzatmani amalga oshirgan. Argentinalik himoyachining shartnomasi 2025 yilgacha mo‘ljallangan.
2021/22 yilgi mavsumda Antoni “Ayaks” safida barcha musobaqalarda 33 ta o‘yinda maydonga tushib, 12 ta gol urdi va 10 ta golli uzatmani amalga oshirdi. Braziliyalik futbolchining klub bilan shartnomasi 2025 yilning 30 iyuniga qadar amal qiladi.
