"Аякс" "Манчестер Юнайтед"га қанот ҳужумчиси Антони ва ҳимоячи Лисандро Мартинесни сотмаслигини айтди, деб хабар беради Mirror.
Манбага кўра, ҳар икки футболчи ҳам Эрик тен Хаг бош мураббий этиб тайинланганидан сўнг инглиз клуби билан боғланган. Бироқ, Нидерландия клуби ўз таркибини сақлаб қолишга ҳаракат қилгани учун фақат битта футболчини сотишга тайёр.
Ўтган мавсумда 24 ёшли Мартинес барча турнирларда 36 та ўйинда майдонга тушиб, 1 та гол ва 4 та голли узатмани амалга оширган. Аргентиналик ҳимоячининг шартномаси 2025 йилгача мўлжалланган.
2021/22 йилги мавсумда Антони “Аякс” сафида барча мусобақаларда 33 та ўйинда майдонга тушиб, 12 та гол урди ва 10 та голли узатмани амалга оширди. Бразилиялик футболчининг клуб билан шартномаси 2025 йилнинг 30 июнига қадар амал қилади.