"Napoli" va Ispaniya terma jamoasi yarim himoyachisi, 26 yoshli Fabian Ruis "Arsenal" yoki "Nyukasl"ga o‘tish ehtimoli katta. Futbolchiga "Manchester Yunayted" ham qiziqish bildirmoqda. Bu haqda Correira Dello Sport xabar bermoqda.

Manbaga ko‘ra, "Napoli" o‘z futbolchisi uchun 30 million yevro so‘ramoqda, chunki uning shartnomasi kelasi mavsum oxirida tugaydi.

"Arsenal" bosh murabbiyi Mikel Arteta uchun yarim himoyani kuchaytirish yozgi transfer oynasi uchun ustuvor vazifadir. "Nyukasl" esa olti oy oldin Ruis uchun taklif bilan chiqqan edi.

Avvalroq Il Mattino Italiya klubi Ruisni futbolchining A seriyani tark etish istagi tufayli sotuvga qo‘yganidan xabar topgan edi.

2021/2022-yilgi mavsumda Ruis “Napoli” safida barcha musobaqalarda 38 ta o‘yinda maydonga tushib, 7 ta gol urdi va 5 ta golli uzatmani amalga oshirdi.