"Наполи" ва Испания терма жамоаси ярим ҳимоячиси, 26 ёшли Фабиан Руис "Арсенал" ёки "Ньюкасл"га ўтиш эҳтимоли катта. Футболчига "Манчестер Юнайтед" ҳам қизиқиш билдирмоқда. Бу ҳақда Correira Dello Sport хабар бермоқда.
Манбага кўра, "Наполи" ўз футболчиси учун 30 миллион евро сўрамоқда, чунки унинг шартномаси келаси мавсум охирида тугайди.
"Арсенал" бош мураббийи Микель Артета учун ярим ҳимояни кучайтириш ёзги трансфер ойнаси учун устувор вазифадир. "Ньюкасл" эса олти ой олдин Руис учун таклиф билан чиққан эди.
Аввалроқ Il Mattino Италия клуби Руисни футболчининг А серияни тарк этиш истаги туфайли сотувга қўйганидан хабар топган эди.
2021/2022-йилги мавсумда Руис “Наполи” сафида барча мусобақаларда 38 та ўйинда майдонга тушиб, 7 та гол урди ва 5 та голли узатмани амалга оширди.
