Hujumchi Divok Origi kelasi hafta rasman "Milan"ga o‘tadi.
27 yoshli belgiyalik futbolchi shartnomasi muddati uzaytirilmagani uchun “Liverpul”ni erkin agent sifatida tark etdi. "Milan" bahordan beri Origi bilan muzokaralar olib bormoqda va endigina kelishuv yakuniga yetmoqda. Sky xabariga ko‘ra, hujumchi dushanba kuni Milanga yetib boradi, seshanba kuni esa tibbiy ko‘rikdan o‘tadi, shundan so‘ng u rasman milanlik futbolchiga aylanadi.
Divok Origi 2014 yildan beri "Liverpul"ga tegishli. Hammasi bo‘lib u mersisaydliklar safida barcha turnirlarda 175 ta o‘yin o‘tkazib, 41 bor raqiblar darvozasini ishg‘ol qilgan.
