Ҳужумчи Дивок Ориги келаси ҳафта расман "Милан"га ўтади.
27 ёшли бельгиялик футболчи шартномаси муддати узайтирилмагани учун “Ливерпул”ни эркин агент сифатида тарк этди. "Милан" баҳордан бери Ориги билан музокаралар олиб бормоқда ва эндигина келишув якунига етмоқда. Sky хабарига кўра, ҳужумчи душанба куни Миланга етиб боради, сешанба куни эса тиббий кўрикдан ўтади, шундан сўнг у расман миланлик футболчига айланади.
Дивок Ориги 2014 йилдан бери "Ливерпул"га тегишли. Ҳаммаси бўлиб у мерсисайдликлар сафида барча турнирларда 175 та ўйин ўтказиб, 41 бор рақиблар дарвозасини ишғол қилган.
