"Arsenal" "Manchester Siti" hujumchisi Gabriel Jezusning transferi bo‘yicha yangi taklif tayyorladi, deya xabar beradi insayder Nikolo Skira.
Qayd etilishicha, yaqin orada tomonlar muzokaralarning navbatdagi bosqichini o‘tkazadi. Futbolchiga 2027 yilgacha mo‘ljallangan shartnoma taklif qilinadi.
Avval xabar qilinganidek, Jezus bu yozda “kanonirlar”ning asosiy maqsadi hisoblanadi. Agar kelishuv amalga oshmasa, londonliklar "Lids"dan Rafinyani qo‘lga kiritishga harakat qilishadi, u bilan ham muzokaralar davom etmoqda (Fabrisio Romano).
Jezus o‘tgan mavsumda Premyer-ligada 28 ta o‘yinda maydonga tushib, 8 ta gol va 8 ta golli uzatmaga mualliflik qilgan.