Londonning "Chelsi" klubi "Yuventus" jamoasiga himoyachi Matteys de Ligt transferi bo‘yicha birinchi rasmiy taklifini yubordi. Jurnalist Natan Gissingning yozishicha, "ko‘klar" "keksa sinyora»ga o‘z hujumchisi Timo Verner va 25 million yevro taklif qilgan.
Manbaga ko‘ra, "Yuventus" bu taklifni rad etish niyatida. Vernerning o‘zi Turinga ko‘chib o‘tishga qarshi emas, ammo "keksa sinyora" de Ligtning transferidan maksimal foyda olmoqchi.
Eslatib o‘tamiz, De Ligtning "Yuventus" bilan shartnomasi 2023/24 yilgi mavsum oxirida yakuniga yetadi. Oldinroq niderlandiya futbolchi "Chelsi" ustozi Tomas Tuxelning asosiy maqsadi ekani xabar qilingandi.