Dushanbening SSKA klubi bosh murabbiyi Amin Subhoniy OFK kubogi guruh bosqichi 2-turi doirasida bo‘lib o‘tadigan «So‘g‘diyona»ga qarshi bo‘ladigan o‘yin oldidan tashkil etilgan matbuot anjumanida ishtirok etdi. Shuningdek, klub himoyachisi Sergey Doronin ham o‘z fikrlari bilan o‘rtoqlashdi.

Amin Subhoniy: «So‘g‘diyona» –O‘zbekiston chempionatining kuchli jamoalaridan biri va ayni paytda Superliga jadvalida peshqadam bo‘lib turibdi. Biz bu jamoaning "Neftchi"ga qarshi bahsini diqqat bilan tahlil qildik. Bu jamoaga qarshi yaxshi o‘yin ko‘rsatishga tayyormiz. SSKAda jamoaviy ruh bor. Biz yosh jamoamiz, ammo raqiblarimiz uchun kuchli klubga aylanishimiz mumkin. Muxlislar bizdan ertangi o‘yinda g‘alaba kutishmoqda. Ularni xursand qilish uchun qo‘limizdan kelgan barcha ishni qilamiz. Birinchi o‘yinda bizni qo‘llab-quvvatlab turgan muxlislarga minnatdorchilik bildiraman. Keyingi o‘yinlarda ham ularni stadionga taklif qilaman. Shunda futbolchilarimiz qo‘llab-quvvatlashni his qilib, o‘zlaridagi ishonch yuqori bo‘ladi».

Sergey Doronin: «Biz ijobiy natija uchun harakat qilamiz. Ushbu musobaqa har bir futbolchi uchun muhim ahamiyatga ega. Ertangi o‘yinga jiddiy yondoshib, muvaffaqiyatga erishishga umid qilyapmiz. Birinchi ucharshuvda bizni qo‘llab-quvvatlab turganlarning barchasiga minnatdorchilik bildiraman. Biz sizlarni ko‘rdik, eshitdik va his etdik. «So‘g‘diyona»ga qarshi o‘yinda ham barchani stadionda kutib qolamiz. Sizning qo‘llab-quvvatlashingiz bizga zarur. Biz siz uchun o‘ynaymiz».