"Napoli" hujumchisi Viktor Osimxen o‘tgan yilning noyabr oyida "Inter" bilan bahsda Milan Shkrinyar bilan to‘qnashuvda jiddiy jarohat olganini esladi.
“Bu o‘limga yaqin jarohatga o‘xshardi. Ammo maydonni o‘zim tark eta olganimdan so‘ng, buni uddalay olishimni angladim.
Tashxis natijalariga ko‘ra, men juda ko‘p suyaklarni sindirib tashlagan ekanman. Mening jag‘imda taxminan 18 vint bor va ko‘p narsalarni boshdan kechirdim.
Ko‘p uyqusiz tunlarni boshdan kechirdim - uxlay olmadim va ovqatlanmadim. Ammo men tug‘ma jangchiman”, — deydi Osimxen.
