"Barselona" yarim himoyachisi Frenki de Yong "Manchester Yunayted"ga o‘tishi mumkin. Ingliz klubi futbolchining transferi bo‘yicha taklifni bonuslarni hisobga olmaganda 65 million yevroga oshirdi, deb yozadi insayder Fabrisio Romano.
Dastlab "Manchester Yunayted" 25 yoshli niderlandiyalik uchun 60 million yevro taklif qilgandi.
Shu bilan birga, Frenki de Yong Kataloniya klubini tark etib, Angliyaga o‘tishni istamagani haqida ma’lumot paydo bo‘ldi.
Frenki o‘tgan mavsumda "Barselona" safida 46 ta o‘yinda maydonga tushib, 4 ta gol urdi va 5 ta golga assistentlik qildi. Futbolchining kataloniyaliklar bilan amaldagi shartnomasi 2026 yilning 30 iyuniga qadar tuzilgan.
