"Барселона" ярим ҳимоячиси Френки де Йонг "Манчестер Юнайтед"га ўтиши мумкин. Инглиз клуби футболчининг трансфери бўйича таклифни бонусларни ҳисобга олмаганда 65 миллион еврога оширди, деб ёзади инсайдер Фабрицио Романо.
Дастлаб "Манчестер Юнайтед" 25 ёшли нидерландиялик учун 60 миллион евро таклиф қилганди.
Шу билан бирга, Френки де Йонг Каталония клубини тарк этиб, Англияга ўтишни истамагани ҳақида маълумот пайдо бўлди.
Френки ўтган мавсумда "Барселона" сафида 46 та ўйинда майдонга тушиб, 4 та гол урди ва 5 та голга ассистентлик қилди. Футболчининг каталонияликлар билан амалдаги шартномаси 2026 йилнинг 30 июнига қадар тузилган.