Jurnalist Fabrisio Romanoning xabar berishicha, "Lids" hujumchisi Rafinya boshqa jamoaga o‘tishi mumkin.

Manbaga ko‘ra, 25 yoshli braziliyalik futbolchiga "Arsenal" da’vogarlik qilmoqda. London klubi vakillari kelasi haftada “Lids” rahbariyati bilan yana bir uchrashuv o‘tkazib, futbolchining ehtimoliy transferini muhokama qilishni rejalashtirmoqda. "Lids" klubi hujumchi uchun 75,6 million yevro olmoqchi.

Oldinroq Rafinya "Barselona"ga o‘tmoqchi ekanligi haqida xabarlar tarqalgan edi.

Braziliyalik o‘tgan mavsumda "Lids" safida 36 ta o‘yinda maydonga tushib, 11 ta gol urdi va 3 ta golga assistentlik qildi. Transfermarkt.com portali hujumchining narxini 45 million yevroga baholamoqda.