Журналист Фабрицио Романонинг хабар беришича, "Лидс" ҳужумчиси Рафинья бошқа жамоага ўтиши мумкин.
Манбага кўра, 25 ёшли бразилиялик футболчига "Арсенал" даъвогарлик қилмоқда. Лондон клуби вакиллари келаси ҳафтада “Лидс” раҳбарияти билан яна бир учрашув ўтказиб, футболчининг эҳтимолий трансферини муҳокама қилишни режалаштирмоқда. "Лидс" клуби ҳужумчи учун 75,6 миллион евро олмоқчи.
Олдинроқ Рафинья "Барселона"га ўтмоқчи эканлиги ҳақида хабарлар тарқалган эди.
Бразилиялик ўтган мавсумда "Лидс" сафида 36 та ўйинда майдонга тушиб, 11 та гол урди ва 3 та голга ассистентлик қилди. Transfermarkt.com портали ҳужумчининг нархини 45 миллион еврога баҳоламоқда.