"Manchester Siti" "Chelsi"ga jamoa hujumchisi Raxim Sterlingni sotishga tayyorligini ma’lum qildi. Insayder Fabrisio Romanoning so‘zlariga ko‘ra, yaqin orada londonliklar vingerning transferi bo‘yicha yangi taklif bilan chiqishadi.
“Ko‘klar” allaqachon bitta taklif bilan chiqishgandi, ammo “shaharliklar” uni rad etishdi.
Oldinroq "Man Siti" 27 yoshli futbolchi uchun 64 million yevro so‘rayotgani xabar qilingandi.
O‘tgan mavsumda Sterling "Siti" safida 47 ta o‘yinda maydonga tushib, 17 ta gol urdi va 5 ta golga assistentlik qildi.
Hujumchining Manchester klubi bilan shartnomasi 2023 yilning 30 iyuniga qadar tuzilgan.
