"Манчестер Сити" "Челси"га жамоа ҳужумчиси Рахим Стерлингни сотишга тайёрлигини маълум қилди. Инсайдер Фабрицио Романонинг сўзларига кўра, яқин орада лондонликлар вингернинг трансфери бўйича янги таклиф билан чиқишади.
“Кўклар” аллақачон битта таклиф билан чиқишганди, аммо “шаҳарликлар” уни рад этишди.
Олдинроқ "Ман Сити" 27 ёшли футболчи учун 64 миллион евро сўраётгани хабар қилинганди.
Ўтган мавсумда Стерлинг "Сити" сафида 47 та ўйинда майдонга тушиб, 17 та гол урди ва 5 та голга ассистентлик қилди.
Ҳужумчининг Манчестер клуби билан шартномаси 2023 йилнинг 30 июнига қадар тузилган.
