Yarim himoyachi Emre Mor "Selta"dan "Fenerbaxche"ga o‘tadi. Turkiya klubi rasmiy saytida 24 yoshli turkiyalikning transferi bo‘yicha kelishuvga erishilganini e’lon qildi.
"Jamoamiz Emre Morning transferi bo‘yicha klub va futbolchining o‘zi bilan prinsipial kelishuvga erishdi", - deyiladi Istanbulliklar bayonotida.
Mor o‘tgan mavsumda "Fotih Karagumruk" safida ijara asosida o‘ynagandi. U barcha musobaqalarda 29 ta o‘yinda maydonga tushib, 6 ta gol urdi va 4 ta golli uzatmani amalga oshirdi.
Eslatib o‘tamiz, Mor avvalroq Dortmundning "Borussiya", "Galatasaroy" va "Olimpiakos" klublarida ham to‘p tepgan.
