Belgiyalik yarim himoyachi Eden Azar kelasi mavsumda "Real"da qoladi. Marca nashri xabariga ko‘ra, "qaymoqranglilar" rahbariyati yarim himoyachiga so‘nggi imkoniyat berishga tayyor. O‘zini ko‘rsatish uchun Azar har qanday pozisiyada o‘ynashga tayyor bo‘lishi kerak.
Azarga katta umid bog‘langan edi, lekin u Ispaniya poytaxtida o‘zining eng yaxshi fazilatlarini ko‘rsata olmadi. Belgiyalik futbolchi “Real” safida barcha musobaqalarda 66 ta o‘yinda maydonga tushib, 6 ta gol va 10 ta golli uzatmani amalga oshirgan.
Bir necha omadsiz mavsum tufayli Edenning transfer narxi 12 million yevroga tushib ketdi. Uning "Real" bilan amaldagi shartnomasi 2024 yilda yakuniga etadi.