Бельгиялик ярим ҳимоячи Эден Азар келаси мавсумда "Реал"да қолади. Marca нашри хабарига кўра, "қаймоқранглилар" раҳбарияти ярим ҳимоячига сўнгги имконият беришга тайёр. Ўзини кўрсатиш учун Азар ҳар қандай позицияда ўйнашга тайёр бўлиши керак.
Азарга катта умид боғланган эди, лекин у Испания пойтахтида ўзининг энг яхши фазилатларини кўрсата олмади. Бельгиялик футболчи “Реал” сафида барча мусобақаларда 66 та ўйинда майдонга тушиб, 6 та гол ва 10 та голли узатмани амалга оширган.
Бир неча омадсиз мавсум туфайли Эденнинг трансфер нархи 12 миллион еврога тушиб кетди. Унинг "Реал" билан амалдаги шартномаси 2024 йилда якунига этади.