Germaniyaning Sport Bild nashri xabariga ko‘ra, Fransiyaning "Lill" klubini kanadalik hujumchisi Jonatan Devidga "Bavariya" qiziqish bildirmoqda.

Manbaga ko‘ra, myunxenliklar jamoasi hujumchi Robert Levandovski jamoani tark etgan taqdirda, Devidni qo‘lga kiritishni urinib ko‘radi. “Shtutgart”dan Sasha Kalayjich, Ugo Ekitike (“Reyms”) va Garri Keynlar (“Tottenxem”) nemis OAVlari tomonidan “Bavariya”ga yangi kelishi mumkin bo‘lgan futbolchilar sifatida e’tirof etilmoqda.

Ammo Sport Bild nashrining qayd etishicha, jamoaga qiziqish bildirayotgan futbolchilar ro‘yxatida 10 ga yaqin nom bor, ular orasida "Lill" hujumchisi Devid ham joy olgan. Bir necha oy oldin kanadalik boshqa bir taniqli futbolchi bilan Bundesliganing yana bir klubi bog‘langan edi. Gap Dortmundning "Borussiya"si haqida ketyapti, ammo «sariqlar» Sebastyan Allerning nomzodi bilan hal qilishdi.

22 yoshli Devid 2020 yildan beri "Lill" jamoasi sharafini himoya qilib kelmoqda va uning shartnomasi 2025 yilgacha mo‘ljallangan. O‘tgan mavsumda u jamoa safida 48 ta o‘yin o‘tkazib, 19 ta gol urgan. Transfermarkt  portali Devidning narxini 45 million yevroga baholamoqda.