Германиянинг Sport Bild нашри хабарига кўра, Франциянинг "Лилль" клубини канадалик ҳужумчиси Жонатан Дэвидга "Бавария" қизиқиш билдирмоқда.

Манбага кўра, мюнхенликлар жамоаси ҳужумчи Роберт Левандовски жамоани тарк этган тақдирда, Дэвидни қўлга киритишни уриниб кўради. “Штутгарт”дан Саша Калайжич, Уго Экитике (“Реймс”) ва Гарри Кейнлар (“Тоттенхэм”) немис ОАВлари томонидан “Бавария”га янги келиши мумкин бўлган футболчилар сифатида эътироф этилмоқда.

Аммо Sport Bild нашрининг қайд этишича, жамоага қизиқиш билдираётган футболчилар рўйхатида 10 га яқин ном бор, улар орасида "Лилль" ҳужумчиси Дэвид ҳам жой олган. Бир неча ой олдин канадалик бошқа бир таниқли футболчи билан Бундеслиганинг яна бир клуби боғланган эди. Гап Дортмунднинг "Боруссия"си ҳақида кетяпти, аммо «сариқлар» Себастян Аллернинг номзоди билан ҳал қилишди.

22 ёшли Дэвид 2020 йилдан бери "Лилль" жамоаси шарафини ҳимоя қилиб келмоқда ва унинг шартномаси 2025 йилгача мўлжалланган. Ўтган мавсумда у жамоа сафида 48 та ўйин ўтказиб, 19 та гол урган. Transfermarkt  портали Дэвиднинг нархини 45 миллион еврога баҳоламоқда.