"Tottenxem" "Everton" hujumchisi Risharlisonni qo‘lga kiritish uchun yana bir urinib ko‘radi, deb yozmoqda jurnalist Fabrisio Romano o‘zining Twitter sahifasida.
Manbaga ko‘ra, klub 25 yoshli braziliyalik bilan shaxsiy shartnoma shartlarini kelishib olishdan hali uzoqda.
Avvalroq, "shporlar" mersisaydliklarga yarim himoyachi Xarri Uinksni ham shartnomaga qo‘shishni taklif qilgan, ammo bu rad etilgandi. Qayd etilishicha, "Everton" hujumchisiga "Chelsi" va "Bavariya" ham qiziqish bildirmoqda.
Risharlison o‘tgan mavsumda "Everton" safida barcha musobaqalarda 33 o‘yinda 11 ta gol urdi va 5 ta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo‘ljallangan.
