Yarim himoyachi Jek Uilsher faoliyatini yakunlab, "Arsenal"da murabbiy bo‘lishi mumkin.
Standard Evening xabariga ko‘ra, "kanonirlar" U23 va U18 jamoalarini boshqarishga tayyor bo‘lgan mutaxassislarni qidirmoqda.
Nomzodlardan biri avvalroq londonliklar safida to‘p surgan, hozir esa klubsiz qolgan yarim himoyachi. Ta’kidlanishicha, akademiya rahbari Per Mertezaker Uilsher bilan ish haqida gaplashgan.
"Arsenal" ayni paytda bir qancha xodimlarini ham ko‘rib chiqmoqda.
2021/22 yilgi mavsumda Uilsher "Orxus" safida o‘ynadi va Daniya chempionatida 14 ta o‘yin o‘tkazib, bitta golli uzatmani amalga oshirdi.
