"Bunyodkor" bilan o‘yindan keyin "Paxtakor" bosh murabbiyi bahs xususida fikrlarini bildirdi.
- O‘yinning birinchi qismida to‘pni nazorat qildik. Vaziyatlar yaratdik. Biroq ularning bittasidan foydalandik. Ikkinchi bo‘limda jamoam o‘zgardi. Himoyadan hujumga chiqishda xatolar kuzatildi. Tan olish kerak, raqibda g‘alaba uchun xohish ko‘proq bo‘ldi. Raqibni yutuq bilan tabriklayman. Tarkibimizda yo‘qotishlar ham borligini aytib o‘tishim joiz, Sardor Rashidov, Odil Hamrobekov, Oliver Sharkich va hokazo. "Bunyodkor" ham yaxshi jamoa ekanligi ko‘rinib turdi. Iqtidorli yosh futbolchilari bor. Har bir futbolchi tarkibda maydonga chiqib darajani saqlab qolish kerak. "Paxtakor"da o‘ynashga tayyor bo‘lish kerak. Yozgi tanaffusda barcha xatolarni tahlil qilamiz.
Futbolda jismoniy va taktik holatni ajratmayman. Taktik jihatdan bo‘sh hududlar ochilib qolsa, uni to‘ldirish uchun kuch sarflash kerak. Ikkisi birga yuradigan holat. Taktik tarafdan intizomli o‘yin ko‘rsatish kerak.
Oldinda yana bir o‘yin bor. Kelganimda ham aytganman, yoshlarga imkoniyat berishga harakat qilaman. Rashidovning o‘rnini imkon qadar mahalliy futbolchilar bilan to‘ldirishga harakat qilamiz.
