"Бунёдкор" билан ўйиндан кейин "Пахтакор" бош мураббийи баҳс хусусида фикрларини билдирди.

- Ўйиннинг биринчи қисмида тўпни назорат қилдик. Вазиятлар яратдик. Бироқ уларнинг биттасидан фойдаландик. Иккинчи бўлимда жамоам ўзгарди. Ҳимоядан ҳужумга чиқишда хатолар кузатилди. Тан олиш керак, рақибда ғалаба учун хоҳиш кўпроқ бўлди. Рақибни ютуқ билан табриклайман. Таркибимизда йўқотишлар ҳам борлигини айтиб ўтишим жоиз, Сардор Рашидов, Одил Ҳамробеков, Оливер Шаркич ва ҳоказо. "Бунёдкор" ҳам яхши жамоа эканлиги кўриниб турди. Иқтидорли ёш футболчилари бор. Ҳар бир футболчи таркибда майдонга чиқиб даражани сақлаб қолиш керак. "Пахтакор"да ўйнашга тайёр бўлиш керак. Ёзги танаффусда барча хатоларни таҳлил қиламиз.

Футболда жисмоний ва тактик ҳолатни ажратмайман. Тактик жиҳатдан бўш ҳудудлар очилиб қолса, уни тўлдириш учун куч сарфлаш керак. Иккиси бирга юрадиган ҳолат. Тактик тарафдан интизомли ўйин кўрсатиш керак.

Олдинда яна бир ўйин бор. Келганимда ҳам айтганман, ёшларга имконият беришга ҳаракат қиламан. Рашидовнинг ўрнини имкон қадар маҳаллий футболчилар билан тўлдиришга ҳаракат қиламиз.