"Milan" hujumchi Paulo Dibalaga asosiy da’vogarga aylanishi mumkin, deb xabar beradi Calciomercato.com.

Manba bergan xabarga ko‘ra, "rossonerilar" rahbariyati so‘nggi haftalarda "Chelsi" hujumchisi Romelu Lukaku "Inter"ga o‘tishi ma’lum bo‘lganidan keyin harakatni faollatishgan.

"Neradzurrilar" 28 yoshli Dibala bilan 2026 yilgacha mo‘ljallangan shartnoma imzolashi haqida avvalroq xabar berilgan edi. Argentinalik futbolchining “Inter”dagi maoshi taxminan 8 million yevroni tashkil qilishi kerak.

Ammo Martines va Jeko hozir Lukaku bilan birga Simone Indzagi jamoasining hujum chizig‘ida bo‘lsa, Dibalaning klubdagi kelajagi qorong‘i bo‘lishi mumkin.

Paulo o‘tgan mavsumda "Yuventus" tarkibida 39 o‘yinda 15 ta gol urdi va 6 ta golga assistentlik qildi. U Turin klubini tekinga tark etadi.