"Lill" prezidenti Olivye Letang "PSJ" portugaliyalik yarim himoyachi Renatu Sanshesh uchun hech qanday rasmiy taklif bilan chiqmaganini ma’lum qildi.
"Odamlar aytayotgan gaplarga kelsak, "PSJ" hali hech qanday rasmiy taklif bildirgani yo‘q, shuning uchun hozircha hech narsa yo‘q. Renatu o‘tgan mavsumda "Barselona"ga o‘tishga juda yaqin edi, ammo muammo yuzaga keldi va unday bo‘lmadi. Ammo aytishim mumkinki, unga Yevropaning yirik klubi qiziqish bildirmoqda", - deya Letang so‘zlaridan iqtibos keltiradi Football Italia.
Oldinroq parijliklar yarim himoyachi uchun kurashda "Milan"ni ortda qoldirgani haqida xabarlar chiqqan edi.
