"Lasio" "Verona"dan yarim himoyachi Matteo Kanchelyerini ijaraga olganini e’lon qildi. Klub xabarida aytilishicha, Rim klubi ma’lum shartlar ostida futbolchini sotib olish huquqiga ega bo‘ladi.

Oldinroq 20 yoshli italiyalik futbolchiga "Sassuolo"dan ham qiziqish borligi haqida xabarlar tarqalgan edi.

2021/22 yilgi mavsumda Kanchelyeri "Verona" tarkibida 14 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Transfermarkt portali futbolchining narxini 3 million yevroga baholamoqda.