"Surxon" hujumchisi Abdul-Aziz Yusupov Superliganing 13-turi doirasida "Neftchi"ga qarshi bo‘lib o‘tgan o‘yin borasida klub matbuot xizmatiga intervyu berdi.

— O‘yin haqida.
— O‘yin juda og‘ir kechdi, chunki ikki jamoaga ochko juda ham zarur edi. Uchrashuv qiyin bo‘lishini biz bilgandik. Shunga yarasha, tayyorgarlik ko‘rdik.

— Ikkinchi bo‘limda jamoa birinchisiga qaraganda faolroq to‘p tepdi.
— Biz o‘z o‘yinimizni ko‘rsata olmadik. Ba’zi vaziyatlarda xato qildik. Bizning darvozamizga penalti belgilandi. Tanaffusda bosh murabbiymiz hujumda yanada tajovuzkor o‘ynash bo‘yicha ko‘rsatmalar berdi. O‘yin tempini oshirish kerakligi ta’kidlandi. Jamoadoshlarim ikkinchi bo‘limga qo‘shimcha motivasiya bilan chiqishdi. Maydonda bor kuchini berdi. Biz o‘zimizni ayamay o‘ynadik. Yakunda gol urdik. Bundan tashqari ko‘plab vaziyatlar yaratdik.

— «Surxon» ochko yo‘qotdimi yoki bir ochko oldimi?
— So‘zsiz, «Surxon» ochko yo‘qotdi. Biz g‘alabaga loyiq edik. Chunki, ikkinchi taymda «Neftchi»ning zonasida juda ko‘p vaziyat yaratdik. Afsuski, gol urish uchun ikkita sof imkoniyatdan foydalana olmadik. Bu futbol, shunday vaziyatlar ham bo‘lib turadi

— Navbatdagi raqibimiz — «Nasaf». Bunday kuchli raqibni qanday yengish mumkin?
— «Nasaf» O‘zbekistondagi yeng top jamoalardan bittasi. O‘zining uslubi, yaxshi akademiyasi bor. Lekin shunday raqibga qarshi munosib o‘ynay olamiz. Biz bu o‘yinga jiddiy tayyorgarlik ko‘ryapmiz. Shu ruhda davom yetamiz va muxlislarimizni xursand qilishga harakat qilamiz.