Madridning "Real" klubi yarim himoyachi Marko Asensioga yangi shartnoma taklif qilmaydi.

Xabarlarga ko‘ra, ispaniyalik futbolchi endi joriy transfer oynasida boshqa klubga o‘tishi yoki 2023 yilda erkin agent sifatida ketish haqida qaror qabul qilishi kerak.

Avvalroq, 26 yoshli futbolchiga "Arsenal", "Chelsi", "Milan" va "Liverpul" klublari qiziqish bildirayotgani xabar qilingandi.

2021/22 yilgi mavsumda Asensio “Real” safida 42 ta o‘yinda maydonga tushib, 12 ta gol urdi va 2 ta golli uzatmani amalga oshirdi. Transfermarkt.com portali futbolchini 40 million yevroga baholamoqda, uning klub bilan shartnomasi 2023 yilning iyun oyi oxirigacha amal qiladi.