"Manchester Yunayted" va Portugaliya terma jamoasi hujumchisi Krishtianu Ronaldu hozircha faoliyatini yakunlash haqida o‘ylamayapti.
The Times nashri xabariga ko‘ra, 37 yoshli to‘purar yana 3-4 yil o‘ynash niyatida.
Ronaldu yaqinda klubning transfer bozoridagi passivligi tufayli "qizil iblislar"ni tark etmoqchi ekanligini ma’lum qilgandi. Portugaliyalikning faoliyatini davom ettirish variantlari orasida "Roma", "Napoli", "Bavariya" va "Chelsi" bor.
Krishtianuning "mankunianliklar" bilan amaldagi shartnomasi 2022/2023 yilgi mavsum oxirida tugaydi.
Premyer-liganing so‘nggi mavsumida portugaliyalik 30 uchrashuvda 18 ta gol urishga muvaffaq bo‘ldi.