"Manchester Yunayted"ning sobiq yarim himoyachisi Jessi Lingardga MLSning ikkita klubi qiziqish bildirmoqda, deb xabar beradi ESPN.
Manbaga ko‘ra, Shimoliy Amerika klublari 29 yoshli angliyalik futbolchiga "ajoyib" shartnoma taklif qilishga tayyor.
Qayd etilishicha, yarim himoyachi vakillari bilan birgalikda AQSHga tashrif buyurib, takliflarni tinglamoqchi.
Aytgancha, kafolatlangan o‘yin vaqti Lingard uchun eng muhim omil, chunki u Qatarda bo‘lib o‘tadigan JCH-2022da Angliya terma jamoasi safida maydonga tushishga umid qilmoqda.
O‘tgan mavsumda u mankunianliklar safida barcha turnirlarda 21 ta o‘yinda maydonga tushib, 2 ta gol urdi va bitta golli uzatmani amalga oshirdi. Yarim himoyachi 2021/22 yilgi mavsum yakunida erkin agent sifatida klubni tark etdi.